Unha Granxa escola na clase.

A semana pasada tocou traballar as aves en 2º EP.  Todo comezou o luns.  A clase convertiuse nunha pequena granxa escola onde os granxeiros e granxeiras mimaron con moito agarimo os ovos e crías de galiña e codorniz. Metéronse nunha incubadora e calculouse para que empezasen a nacer entre o martes e mércores.

A primeira en saír... unha cría de galiña! Os nenos chamáronlle Nuggets. Foi unha gran alegría para os rapaces e rapazas. O xoves, xa había máis de vinte crías. Visitáronnos os compañeiros de infantil e primaria.  E o mellor é a gran aprendizaxe dos rapaces e a sensibilidade que mostraron durante toda a semana.

Unha experiencia única, emocionante e moi enriquecedora!